Pagdiriwang ng Buwan ng Wika, Katangi-tangi

2014
Cynthia Torreon, 9-Fortitude

     Dahil ang wikang Filipino ay sumasagisag na tayo’y tunay na Pilipino, wikang nagpapakilala sa kagandahan n gating lahi at kultura, ang Buwan ng Wika ay di nakaligtaang ipagdiwang ng mga guro at mag-aaral sa Handumon National High School.

     Naging matagumpay ang pagdairiwang na ito na ginanap noong ika-30 ng Agosto, 2014 na may temang “Filipino: Wika ng Pagkakaisa”.

     Nasaksihan ng lahat ang samu’t saring presentasyon na inihanda ng mga mag-aaral na inumpisahan ng pagbibigay puri at pasasalamat sa Poong Maykapal.

     Nagpakitang gilas ang mga representante ng bawat baitang sa paligsahan ng Balagtasan.

Nakatindig balahibo rin ang ipinamalas ng ibang mga estudyante sa Larangan ng pagkanta.

Hindi lamang kantahan at tagisan ng talino sa pamamagitan ng Balagtasan ang itinampok ng mga mag-aaral, pinakahinihintay ng lahat ang paghahanap ng magiging Lakambini 2014 na nakuha ni Marivel Torrefiel. Nagpakita din ng kakayahan sa pagsayaw ang ibat-ibang mga representante ng mga bawat baitang para sa paligsahan ng katutubong sayaw. Bakas sa mukha ng lahat ang aliw na ipinakita ng bawat kalahok.

     Nagbigay naman ng mensahe si Gng. Rosela Balorio hinggil sa ating Wikang Pambansa. Taos pusong nagpasalamat at pagpuri ang ilan sa naging laman ng mensahe ni Gng. Balorio dahil sa tagumpay ng pagdiriwang at ang kooperasyong ibinigay ng lahat.

     Nagwakas ang pagdiriwang nang maluwalhati at kapupulutan ng aral, isang paalala na linangin ang iyong sariling wika at ipagmalaki sa lahat na tayo ay Pilipino.